Թեստավորման մի քանի ամիս անցնելուց հետո, Facebook-ը պաշտոնապես ներդնում է էջի մի նոր հատված՝ ամենաքննարկվող նյութերը, ինչի շնորհիվ միշտ տեղյակ կլինենք՝ ինչն է թեժ քննարկվում մեր շուրջը սոցցանցում: Այս նոր սյունակը, որը կհայտնվի մեր News Feed-ի աջ անկյունում, համախմբում է ամենաքննարկվող նյութերը, ինչպես նաև տալիս դրանց հակիրճ նկարագրությունը, որպեսզի պարզ լինի, թե ինչի մասին է խոսքը, և ինչու են դրանք այդքան քննարկվող: Սակայն Facebook-ը չի համախմբում նորությունները իր ողջ տիրույթից և ներկայացնում Ձեզ: Այդ սյունակում հայտնվող նյութերը խիստ անհատականացված են և կախված են Ձեր ընկերներից և նախասիրություններից: Այնպես որ, սեղմելով այդ նյութերից որևէ մեկի վրա, կտեսնեք նաև Ձեր ընկերների կամ հավանած էջերի համապատասխան գործողությունները: Մի վհատվեք կամ զարմացեք, եթե Facebook-ի Ձեր էջին չեք տեսնում այն. նորարարությունը ներդրվելու է փուլերով: Սա դեռևս միայն աշխատանքային սեղանի վրա կարող ենք տեսնել, սակայն Facebook-ը աշխատում է այս նոր սյունակը այլ սարքավորումների համար նույնպես հասանելի դարձնելու ուղղությամբ:  


Նյութի աղբյուրը